Olımpıadaǵa irikteý týrnıri: Úsh boksshymyz lıtsenzııadan tys qaldy

NUR-SULTAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnırinde besinshi qyzymyz sharshy alańǵa shyǵyp, qarsylasynan utylyp qaldy, dep habarlaıdy QazAqparat tilshisi.

Áıelder boksynan 51 keli salmaqta synǵa túsken Angelına Lýkas alǵashqy jekpe-jeginde qarsylasynan utylyp, Olımpıada joldamasynan tys qaldy.

Bul Erik Alǵabek jattyqtyratyn qyzdar komandasynan Olımpıadalyq salmaqta irikteý týrnırinde joldamadan qaǵylǵan úshinshi boksshy. Іrikteý týrnırine jalpy bes salmaqtan 5 boksshy barǵan bolatyn. Sonyń ekeýi keshe alǵashqy aıqastaryn jeńispen bastap, joldamaǵa talasty jalǵastyrý múmkindigine ıe bolǵan edi.

Olar - 69 keli salmaqta synǵa túsken jerlesimiz Valentına Halzova men 75 kelide el namysyn qorǵap jatqan boksshy Nadejda Rıabets.

Esterińizge sala ketsek, lıtsenzııa úshin talasty birinshi bolyp bastaǵan Dámetken Kelimbet (57 keli) qytaılyq In ıÝnhýaǵa jol berse, Rımma Volosenko (60 keli) úndistandyq Sımrandjıtkaýr Baattan jeńildi.

Aıta keteıik, endi sanaýly mınýttardan keıin erler arasynda Sáken Bıbosynov (52 keli) pen Serik Temirjanov (57 keli) sharshy alańǵa shyǵady.