Olımpıadaǵa irikteý týrnıri: Nadejda Rıabets birinshi jekpe-jeginde jeńiske jetti

NUR-SULTAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnırinde áıelder boksynan taǵy bir qazaqstandyq sportshy kezdesýin jeńispen aıaqtady, dep habarlaıdy QazAqparat tilshisi.

75 kelide el namysyn qorǵap jatqan qazaqstandyq boksshy Nadejda Rıabets birinshi jekpe-jeginde ózbekstandyq Navbahor Hamıdovamen judyryqtasty.

Asa tartysty ótken aıqastyń birinshi raýndynda ózbekstandyq qyz basymdyq tanytqan bolatyn. Alaıda, ekinshi rýandtan bastap Nadejda qarsylasyn shabýyldyń astyna alyp, jeńip shyqty.

Erik Alǵabek jattyqtyratyn qyzdar komandasynan Olımpıadalyq salmaqta irikteý týrnırine barlyǵy 5 boksshy kelgen bolatyn. Ázirge onyń ekeýi jeńilis taýyp, ekeýi alǵashqy aıqastaryn jeńispen bastady.

Osydan shamaly ýaqyt buryn 69 keli salmaqta synǵa túsken jerlesimiz alǵashqy aıqasyn Ońtústik Koreıa ókili Sıýen Choıǵa qarsy ótkizip, tóreshilerdiń biraýyzdy sheshimimen jeńiske jetkeni týraly jazǵan edik.

Esterińizge sala ketsek, lıtsenzııa úshin talasty birinshi bolyp bastaǵan Dámetken Kelimbet (57 keli) qytaılyq In ıÝnhýaǵa jol berse, Rımma Volosenko (60 keli) úndistandyq Sımrandjıtkaýr Baattan jeńildi.

Aıta keteıik, endi sanaýly mınýttardan keıin taǵy bir qazaqstandy boksshy arý. sondaı-aq, erler arasynda 69 keli salmaqta Abylaıhan Júsipov sharshy alańǵa shyǵady.

Áıelder boksynan 51 kelide Angelına Lýkas, 57 kelide Dámetken Kelimbet sharshy alańǵa shyǵady. 60 keli salmaqta Rımma Volosenko, 69 kelide Valentına Halzova synǵa tússe, 75 keli salmaqta Nadejda Rıabets judyryqtasady.