Olımpıadaǵa baratyn mergender dopıngke qarsy synama tapsyrdy

<p>ASTANA. KAZINFORM &ndash; Qazir nysana kózdeýden Ulttyq qurama Shymkent qalasynda Brazılııada ótetin sheshýshi lıtsenzııalyq Álem Kýbogynyń kezeńine daıyndalyp jatyr.</p>

Sportty damytý dırektsııasynyń baspasóz qyzmeti málim etkendeı, oqý-jattyǵý jıyny barysynda QR Dopıngke qarsy ulttyq ortalyq mamany Matlýba Tórequlova «Sporttaǵy dopıng jáne onyń sportshy men qoǵam úshin saldary» taqyrybynda semınar ótkizdi.

Munda bıologııalyq belsendi qospalardyń qaýpi men tyıym salynǵan preparattardyń tizimi sóz boldy.

Sondaı-aq dál osy kúni Parıj Olımpıadasynyń lıtsenzııasyna qol jetkizgen Ulttyq qurama ókilderi – Islam Satpaev, Konstantın Malınovskıı, Arına Altýhova, Aleksandra Le, Nıkıta Chırıýkınnen dopıngke qarsy ulttyq ortalyq ókilderi synama aldy.

«Bul Olımpıada lıtsenzııasyn alǵan sportshylarymyz tapsyryp jatqan ekinshi synama. Alǵashqysyn aqpan aıynda alǵan. Kelesisi oıyndarǵa jaqyn qalǵanda bolýy kerek. Lektsııaǵa negizgi komandamen qatar, jastar quramasynyń sportshylary da qatysty. Biz jyl saıyn osyndaı semınar ótkizýge tyrysamyz. Máselen, bıyl qatarynan úshinshi jyl federatsııanyń atsalysýymen dopıngke qarsy ortalyqtan arnaıy maman shyqyrdyq», - dep aıtty Olga Dovgýn Sportty damytý dırektsııasynyń baspasóz qyzmetine bergen suhbatynda.