Olımpıadaǵa 100 kún: Elordada buqaralyq marafon ótedi

<p>ASTANA. KAZINFORM &ndash; 17 sáýirde Elordadaǵy &laquo;Astana&raquo; trıatlon saıabaǵynda qala turǵyndary arasynda &laquo;Olımpıadaǵa 100 kún&raquo; atty buqaralyq júgirý sharasy ótedi.&nbsp;</p>

Astana qalalyq sport basqarmasy málim etkendeı, aıtýly sharaǵa 5 shaqyrym qashyqtyqty baǵyndyra alatyn barlyq qala turǵyndary men qonaqtary shaqyrylady.

Jas shekteýi joq. 

Uıymdastyrýshylardyń aıtýynsha aıtýly buqaralyq júgirý sharasy olımpıadalyq qozǵalysty nasıhattaý ári olımpıadashalarymyz ben lıtsenzııa alýǵa úmitkerlerimizdi qoldaý maqsatynda ótpek. 

Sondaı-aq, olar buqaralyq júgirý sharasy sporttyq jarys emes ekenin aıryqsha aıtyp ótti.

«XXXIII jazǵy Olımpıada oıyndarynyń bastalýyna aǵymdaǵy jyldyń 17 sáýirinde 100 kún qalady. Soǵan oraı Astana qalasy ákimdiginiń qoldaýymen qala turǵyndary qatysa alatyn buqaralyq sharasyn ótkizemiz. Aıtýly shara bul jarys emestigin aıta ketkim keledi. Bul buqaralyq júgirý. Oǵan barlyq turǵyndar qatysa alady»,-deıdi Astana qalasy ákimdiginiń sport sharalaryn ótkizý dırektsııasynyń basshysy Bahtııar Masanov. 

Tirkelý kezinde qatysýshylarǵa lotereıa bıletteri taratylyp baǵaly syılyqtar oınatylady. 

Onyń ishinde: velosıped, shlem, bótelkeler.

Qatysýshylardy tirkeý sol kúni saǵat 08.30-dan bastap ótedi. 

Sonymen qatar, márege jetkenderge fınısher medali beriledi.

Sondaı-aq, sahna janynda qol kúres (armrestlıng), arqan tartys pen gir sportynan jarystar ótedi.

Aıta keteıik Olımp oıyndary 2024 jylǵy 26 shilde men 11 tamyz aralyǵynda Frantsııa astanasy — Parıjde ótedi. 

Qazirgi ýaqytta Parıj Olımpıadasyna qazaqstandyq qyz-jigitter 31 joldama jeńip aldy.

Onyń úsheýi astanalyq sportshylardyń enshisinde.