Olımpıadadan keıin boks bapkerleri jumystan kete me – Komıtet jaýaby

NUR-SULTAN. QazAqparat – Bokstan ulttyq qurama bapkerleri Olımpıadadaǵy sátsizdikteri úshin jumystan kete me? Bul suraqqa Sport jáne dene shynyqtyrý isteri komıtetiniń tóraǵasy Serik Sápıev jaýap berdi, dep habarlaıdy QazAqparat tilshisi.

«Bizde ár Olımpıada oıyndarynan keıin sport salasyndaǵy keńeıtilgen otyrys ótedi. Oǵan Mádenıet jáne sport mınıstri, Ulttyq Olımpıada komıteti men federatsııalardyń ókilderi qatysady. Onda jibergen qatelikterimizge taldaý júrgizilip, qorytyndy jasalady. Tıisinshe sheshimder qabyldanady. Osy Olımpıada bitken soń da keńeıtilgen otyrys uıymdastyrylady, onda bas bapkerler men jetekshilerge qatysty mańyzdy sheshimder qabyldanady. Ázirge osyndaı qadamdar ǵana bar. Qurylymdyq ózgerister týraly Olımpıada oıyndary bitken soń ǵana aıta alamyz», - dedi Serik Sápıev Ortalyq kommýnıkatsııalar qyzmetinde ótken brıfıngte.

Buǵan deıin Qazaqstan boks federatsııasynyń atqarýshy dırektory Myqtybek Maratbek boksshylardyń sátsizdigine pandemııa áser etti degen bolatyn.

Sonymen birge, Sport jáne dene shynyqtyrý isteri komıtetiniń tóraǵasy Serik Sápıev Olımpıadada qalǵan tórt boksshynyń tórteýi de medal ákelýi múmkin degen boljam jasady.