Olımpıadada Norvegııa medaldar sanymen kósh bastady
Al, ázirge Qazaqstan quramasynda frıstaılshy ıÝlııa Galysheva jeńip alǵan jalǵyz qola medalmen jalpy esepte 25-shi orynda turaqtady.
Búgingi kúnniń jalpy qorytyndysy boıynsha, jalpy esepte birinshi orynda kele jatqan Norvegııa quramasy medaldar sanyn 28-ge jetkizip, ózge elderden oq boıy ozyp ketti. Olardyń qorjynynda 11 altyn, 9 kúmis jáne 8 qola (28) medal bolsa, ekinshi orynda kele jatqan Germanııa eliniń qorjynynda ázirge 10 altyn, 6 kúmis jáne 4 qola jalpy (20) medal bar. Al úzdik úshinshi orynǵa búgin Kanada sportshylary kóterildi. Olardyń enshisinde 6 altyn, 5 kúmis jáne 6 qola medal (17).
Búgin jalpy esepte bir saty tómendegen Nıderlandy eli Kanadadan qola medaldar sany jaǵynan artta qalyp keledi. Olardyń enshisinde 6 altyn, 5 kúmis jáne 2 qola (13) medal. Sondaı-aq, úzdik bestikti AQSh quramasy túıindeýde. Olardyń enshisinde 5 altyn, 3 kúmis jáne 2 qola (10) medal bar.
Esterińizge sala keteıik, 9-shy aqpanda alaýy tutanǵan Aq Olımıada oıyndaryna Qazaqstan 57 joldama jeńip alǵan bolatyn. Olar sporttyń 9 túrinen el namysyn qorǵap jatyr. Al, jalpy Olımpıada oıyndarynda sporttyń 15 túrinen 102 medal jıyntyǵy sarapqa salynady. Jarys 25-shi aqpanda óz máresine jetedi.