Olımpıadada «erkek» boksshymen judyryqtasqan ózbekstandyq qyzǵa páter syıǵa tartyldy

<p>TAShKENT. KAZINFORM &ndash; Olımpıadanyń 1/8 fınalynda genderlik daý týyndaǵan Taıvan boksshysy Lın ıÝı-Tınge qarsy jekpe-jek ótkizip, jeńilip qalǵan ózbek qyzy Sıtora Turdybekovaǵa óz elinde bir bólmeli páter berildi. Samarqand oblysy Bulyńǵyr aýdanynyń ákimdiginiń naqtylaýynsha, páter jergilikti kásipkerdiń qarajatyna satyp <a href="https://t.me/Bulungur_press/31235" target="_blank" rel="noopener">alynǵan</a>.&nbsp;</p>

– Jarys óte jaqsy ótti. Barynsha daıyndaldyq, biraq nátıje bolmady. Qudaı qoldap, aldaǵy jarystarda da jeńiske jetemiz degen úmittenemiz, – deıdi Sıtora Turdybekova.

Sportshy Parıjde ótken 2024 jylǵy Olımpıada oıyndarynda 57 kelige deıingi salmaqta birinshi jekpe-jegin kongolyq boksshyǵa qarsy ótkizip, 3:2 esebimen jeńiske jetken edi. Odan keıin 1/8 fınalda eki dúrkin álem chempıony, Qytaı Taıbeıiniń ókili Lın ıÝı-Tınmen judyryqtasty. Odan 5:0 esebimen jeńilip, Olımpıadaǵa qatysýyn aıaqtady.

Ózbekstan premer-mınıstri Abdýlla Arıpov tamyzdyń 13-i kúni Olımpıada quramasyn resmı qarsy alý kezinde Sıtora Turdybekova men Lın ıÝı-Tın arasyndaǵy boks keshi týraly da aıtyp ótti.

– Keıbir sportshylarymyz túrli sebeptermen júldeger atana almady. Buǵan tóreshiliktegi ádiletsizdikter jáne basqa da sebepter túrtki boldy. Bul jolǵy oıyndardyń eń soraqysy, meniń oıymsha, barlyq adamdarǵa unamaǵan tusy – bul erlerdiń rıngke «áıel» bolyp shyǵýy, – dedi Ózbekstan úkimetiniń basshysy.

Aıta keteıik, Lın ıÝı-Tın fınalda polshalyq ıÝlııa Seremetany jeńip, altyn medalǵa qol jetkizdi.