ASTANA. QazAqparat – Malaızııanyń Malakka qalasynda WKF karateden eresekter arasynda ótip jatqan XIX Azııa chempıonatynda Sofıa Berýltseva jeńimpaz atandy, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen málim etkenindeı, qurlyqtyq básekege 31 elden 400-ge jýyq tatamı sheberi qatysýda.
Sonyń ishinde 19 qazaqstandyq karateshi el namysyn qorǵaýda.
Jarystyń alǵashqy kúni kýmıte baǵdarlamasynda Tokıo olımpıadasynyń qola júldegeri, ulttyq qurama kóshbasshysy Sofıa Berýltseva 68 keliden astam salmaqta qarsylas shaq keltirmeı, úzdik shyqty.
Taǵy bir qazaqstandyq Dıdar Ámiráli fınalda ǵana utylyp, kúmis medalǵa ıe boldy. Kýmıtede Jolaman Bıǵabyl (55 kg), sondaı-aq kata baǵdarlamasynda Lııa Qoshqarbaeva úzdik úshtikke ilikti.
Azııa birinshiligi 23 shildede máresine jetedi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).