Olımpıada júldegeri Nazym Qyzaıbaı elge oraldy
07:15, 12 Tamyz 2024
<p>ALMATY. KAZINFORM – Parıjde ótken jazǵy Olımpıada oıyndarynyń qola júldegeri Nazym Qyzaıbaı elge oraldy.</p>
Sportshyny Almatynyń halyqaralyq áýejaıynda týǵan-týystary men jankúıerleri, sondaı-aq BAQ ókilderi ystyq yqylaspen kútip aldy. Saltanatty rásim kezinde án shyrqalyp, shashý shashyldy.
Olımpıada júldegerimen birge onyń jeke bapkeri Dolkýnjan Kamekov te ushyp keldi. Ol óz shákirtinen jańa jeńisterdi kútetinin atap ótti.
- Nazym eńbekqor sportshy. Eńbekqorlyǵynyń arqasynda Qazaqstan chempıonatyn utyp, lıtsenzııa alyp, Olımpıadaǵa qatysty. Tórt kezdesý ótkizip, bireýinde ǵana utylyp qaldy. Endigi josparymyz demalyp, kúsh jınaý. Menińshe, Nazym áli sportqa núktesin qoıǵan joq. Áli kelesi Olımpıadaǵa qatysyp, altyn alady dep oılaımyn, - dedi bapker.
Eske salaıyq, 7 tamyz kúni Nazym Qyzaıbaı Olımpıadanyń qola júldesin jeńip aldy.