Olımpıada: Ústel tennısinen qazaqstandyq sportshy irikteýden óte almady
19:06, 24 Shilde 2021
TOKIO. QazAqparat - Japonııa astanasy Tokıo qalasynda ótip jatqan Olımpıada oıyndarynda ústel tennısinen qazaqstandyq Anastasııa Lavrova qarsylasyna ese jiberdi, dep habarlaıdy QazAqparat.
Qazaqstandyq sportshy ıspanııalyq Marııa Sıaomen kezdesti. Nátıjesinde ıspanııalyq sportshy jalpy esepte 4:1 esebimen jeńiske jetti. Osylaısha Anastasııa Lavrova týrnırdiń alǵashqy kezeńinde jarysty aıaqtady.
Eske salsaq, búgin dzıýdoshy Eldos Smetov Qazaqstan qorjynyna alǵashqy medaldi saldy.
Bıyl dúbirli dodada 33 sport túrinen 339 medal jıyntyǵy sarapqa salynady. Aıtýly alamanǵa jer betindegi 206 memleketten 11 myńnan astam sportshy qatysýda. Qazaqstandyq 97 sportshy kúnshyǵys elinde sporttyń 28 túrinen baq synaıdy.