Olımpıada: Sý dobynan Qazaqstan áıelder quramasynyń shırek fınaldaǵy qarsylasy anyqtaldy
Esterińizge sala ketelik, Qazaqstan qyzdary V tobynda synǵa tústi. Alǵashqy oıynda Grekııadan 5:13 , odan keıin Vengrııadan 6:23 esebimen jeńildi.
Sońǵy oıynda Izraılmen 7:7 esebimen teń túsip, óz tobynda úshinshi orynǵa jaıǵasty. Bul topta Grekııa birinshi, Vengrııa ekinshi oryn aldy. Sońǵy oryndy Izraıl mise tutty.
A tobynda alǵashqy eki oryndy bes upaıdan jınaǵan Italııa men Nıderlandy ózara bólisti. Úshinshi oryndaǵy Frantsııa 2 upaı alsa, Slovakııanyń qorjyny bos.
Endi Qazaqstan qyzdary shırek fınalda Nıderlandymen kezdesedi. Sondaı-aq, jarystyń atalǵan satysynda Slovakııa men Grekııa, Frantsııa men Vengrııa, Italııa men Izraıl quramalary sheberlik baıqasady. Oıyndar búgin ótkiziledi. Іrikteý týrnıri 24 qańtarda máresine jetedi. Olımpıadaǵa eki joldama beriledi.
Esterińizge sala ketelik, Qazaqstan quramasy Olımpıadada eki márte baq synady. 2000 jyly - 6, 2004 jyly - 8 oryn aldy.