Olımpıada shırek fınalyna qaı elden qansha boksshy shyqty

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda búgin qazaqstandyq 2 boksshy shırek fınalda judyryqtasady.&nbsp;</p>

Olar — erler arasynda Muhammedsabyr Bazarbaıuly men Aıbek Oralbaı. Sonymen qatar áıelder arasynda Nazym Qyzaıbaı 1/8 fınalda óz baǵyn synaıdy.

Shırek fınalda Bazarbaıuly grýzııalyq Lasha Gýrýlımen qolǵap túıistirse, Aıbek Oralbaı ázerbaıjandyq Loren Berto Alfonso Domıngespen sharshy alańǵa shyǵady.

Ázirge Qazaqstan quramasynan shırek fınalǵa 4 boksshy shyqsa, Ózbekstannan — 7 boksshy, Ispanııadan — 4, Kýba men Frantsııadan — 3, AQSh, Domınıkano, Brazılııa, Ázerbaıjan, Bolgarııa, Avstralııa — 2, Japonııa, Taıland, Grýzııa, Kanada, Ýkraına, Fılıppın, Zambııa, Kabo Verde, Qyrǵyzstan, Majarstan, Danııa, Iordanııa, Ulybrıtanııa, Indııa, Meksıka, Horvatııa, Belgııa, Irlandııa, Tájikstan, Italııa, Germanııa, Ekvador, Armenııadan bir-bir boksshydan shırek fınalǵa shyqqan.

Aıta ketsek, qazaqstandyq sportshylar Olımpıada oıyndarynda sporttyń 25 túrinen synǵa túsip jatyr. 

Olımpıadanyń tórtinshi jarys kúninen keıin Qazaqstan quramasynyń qorjynynda 1 altyn, 2 qola júlde bar.

Medaldar kestesinde Qazaqstan quramasy ázirge 16-orynda keledi.