PARIJ. KAZINFORM — Qazaqstannyń ekinshi, álemniń 58-raketkasy Aleksandr Shevchenko Parıj Olımpıadasynyń alǵashqy aınalymynan asa almady.
Qazaqstandyq tennısshi dúnıejúzilik reıtıngide 81-orynda turǵan 18 jastaǵy chehııalyq ıAkýb Menshıkpen kortqa shyqty.
Birinshi partııada Menshık 3:0 esebimen alǵa ketip, sol basymdylyqty saqtap qaldy – 6:3.
Ekinshi sette esep 2:2 bolǵan mezette chehııalyq sportshy breık jasap ketkenimen, Shevchenko sol boıda qarymta qaıyrdy – 3:3. Biraq Menshık taǵy bir breıkke qol jetkizip, matchqa dop bergende, múmkindigin jibergen joq – 6:4.
Bir saǵattan astam ýaqytqa sozylǵan matchta Shevchenko 2 eıs, 1 breıkpen shekteldi. Menshık 3 eıs, 3 breıkpen (10 breık-poınt) kózge tústi.
Osylaısha, tennıs týrnırinde Qazaqstannan juptyq synda óner kórsetetin Aleksandr Býblık pen Aleksandr Nedovesov qana qaldy.
Eske sala keteıik, budan buryn Olımpıadada Aleksandr Býblıktiń alǵashqy kezdesýinde jeńilip qalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).