Olımpıada: Shańǵy qossaıysynan el namysyn Shyńǵys Rakparov qorǵaıdy

NUR-SULTAN. QazAqparat - Beıjiń Olımpıadasynda tek qana erler baq synaıtyn jalǵyz sport túri bar. Bul – shańǵy qossaıysy. Aq Olımpıadada atalǵan sport túrinen 55 sportshy baq synaıdy. Onyń ishinde qazaqstandyq atlet te bar, dep habarlaıdy QazAqparat.

Olympic.kz-tiń málimetinshe, shańǵy qossaıysynan qazaqstandyq Shyńǵys Rakparov baq synaıdy. Ol 1995 jyly dúnıege kelgen jas sportshy.

«Halyqaralyq jarystarda jıǵan upaıymyz boıynsha Olımpıadaǵa joldama berildi. Shyńǵys jas sportshy. Ol úshin bul Olımpıada úlken tájirıbe bolary anyq. Ekinshi joldama alatyn múmkindigimiz de bolǵan. Taǵy bir sportshymyz kezekte tur edi. Alaıda, azdap upaı jetpeı qaldy», - dedi komandanyń bas bapkeri Dilshat Mıraev.

Beıjiń Olımpıadasynda shańǵy qossaıysynan 3 júlde jıyntyǵy sarapqa salynady.