Olımpıada: Rakparov shańǵy qossaıysynan alǵashqy jarysyn ótkizdi

BEIJІŃ. QazAqparat – Beıjińde ótip jatqan qysqy Olımpıada oıyndarynda búgin shańǵy qossaıysynan erler arasyndaǵy básekeler bastaldy, dep habarlaıdy QazAqparat tilshisi.

Shańǵy qossaıysynan Qazaqstan namysyn Shyńǵys Rakparov qorǵap jatyr.

Aldymen sportshylar shańǵymen tuǵyrdan sekirýden synǵa tústi. Qazaqstandyq Shyńǵys Rakparov 79.5 metrge sekirip, qorytyndy esepte 69.9 upaı ıelendi. Gýnderson júıesine sáıkes, shańǵymen jarysýǵa ol 38-shi bolyp shyǵady. Rakparov kóshbasshydan 4 mınýt 12 sekýndqa qalyp qoıǵan.

Aıta ketelik, ázirge japonııalyq Rıota ıAmamoto alda keledi. Ol 133 upaımen kósh bastap tur.

Búgin sondaı-aq, short-trekten otandastarymyz muz aıdynyna shyǵady. Onda Olga Tıhonova, Ádil Ǵalıahmetov jáne Denıs Nıkısha el namysyn qorǵaıdy.

FOTO: Turar Qazanǵapov, Qazaqstan UOK