Olımpıada oıyndaryna Qytaıdaǵy 9 qandasymyz qatysyp, ekeýi júlde alǵan
Atap aıtsaq, Jazǵy Olımpıada oıyndarynda Qytaıdaǵy qandastarymyzdan tuńǵysh Olımpıadaǵa qatysqan Álnur Tórgeuly. Ol 2004 jyly Afınyda ótken Olımpıada oıyndarynda grek-rım kúresinen synǵa tústi.
Bul Olımpıadada boksshy Qanat Islam da sharshy alańǵa shyqqan bolatyn. Alaıda, ol Olımpıada jarystaryna Tórgeulynan keıin shyqqandyqtan ekinshi qandas retinde este qaldy.
2008 jyly Beıjiń qalasynda ótken Jazǵy Olımpıadada Qanat Islam Qytaıdaǵy qandastar arasynda tuńǵysh Olımpıada júldegeri atanǵanyn jaqsy bilemiz. 2018 jylǵy Aq Olımpıada oıyndarynda qandasymyz Arshynǵazy Shákenuly konkı sportynan alǵash ret synǵa tústi.
Al ótken jyly Tokıo Olımpıadasynda Qytaıdan shyqqan ekinshi qandasymyz júldege ilindi.
Mine, bıyl Beıjińde ótip jatqan Aq Olımpıada oıyndarynda úsh qandasymyzǵa jankúıer boldyq.
Qarap otyrsaq, Qytaıdaǵy at tóbelindeı az ǵana qandasymyzdan osy kúnge Jazǵy jáne Qysqy oıyndarǵa jalpy sany 9 sportshy qatysyp úlgergen. Bolashaqta bul san taǵy da ulǵaıa túsedi degen senmizdemiz. Endi ár Olımpıada men ár sportshy týraly jeke-jeke toqtalyp ótsek.
Jazǵy Olımpıada oıyndary:
Afıny Olımpıadasy (Grekııa) - 2004 jyl
2004 jyly Grekııanyń Afıny qalasynda ótken Olımpıada oıyndaryna Qytaıdaǵy qandastarymyzdan eki sportshy bardy.
Onyń biri grek-rım kúresiniń sheberi Álnur Tórgeuly bolsa, ekinshisi boksshy Qanat Islam bolatyn.
Alaıda, Grek tórinde ekeýi de júldege ilige almady. Álnur Olımpıada oıyndaryn 13-shi orynmen aıaqtasa, Qanat irikteý syndarynan óte almaǵan bolatyn.
Osy Olımpıadadan keıin halyqaralyq dárejedegi sport sheberi, Azııa chempıonatynyń kúmis júldegeri
bapkerlikke bet burdy. Qanat bolsa ary qaraı karerasyn jalǵastyrdy.
Beıjiń Olımpıadasy (Qytaı) - 2008 jyl
2008 jylǵy Beıjiń Olımpıadasy shetel qazaqtary arasynan Qanat Islamnyń qola júldeger atanýymen este qaldy. Osylaısha, Qanat Qytaıdaǵy Olımpıada oıyndarynan júlde alǵan tuńǵysh qazaq retinde tarıhta qaldy.
Keıin Qanat Islam atajurtyna birjola qonys aýdardy. Qazir kásipqoı boksta synǵa túsip júr.
Rıo-de-Janeıro Olımpıadasy (Brazılııa)- 2016 jyl
2016 jylǵy Rıo Olımpıadasynda Erlanbek Káteıuly esimdi taǵy bir qazaq Qytaı atynan óner kórsetti. Ol 1990 jyly Qytaıdyń Altaı aımaǵynda dúnıege kelgen. Ol - Qytaıdaǵy qazaqtar arasynan Olımpıadaǵa joldama alǵan úshinshi qazaq.
Alaıda Rıoda qandasymyz Olımpıada tuǵyrynan kórine alǵan joq.
Tokıo Olımpıadasy – 2021 jyl
Tokıoda ótken Jazǵy Olımpıada oıyndaryna Qytaıdaǵy qandastarymyzdan eki sportshy qatysty: biri boksshy bolsa, ekinshisi - grek-rım kúresiniń sheberi.
Bokstan 75 keli salmaqta synǵa túsken Toqtarbek Tańatqanulynyń Tokıoda joly bola qoımady.
Alaıda, ekinshi qandasymyz grek-rım kúresinen 60 keli salmaqta beldesken Ýálıhan Serikuly Beıjiń Olımpıadasyndaǵy Qanat Islamnyń jetistigin qaıtalap, Qytaı qorjynyna qola medal syılady.
Osylaısha, eki qandasymyz - Qanat Islam men Ýálıhan Serikuly Olımpıada oıyndarynda Qytaı quramasyna eki medal syılady.
Qysqy Olımpıada oıyndary:
Phenchhan Olımpıadasy (Ońtústik Koreıa) - 2018 jyl
Qysqy Olımpıada oıyndaryna Qytaıdaǵy qandastarymyz alǵash ret 2018 jyly Ońtústik Koreıanyń Phenchhan qalasynda ótken Olımpıadaǵa qatysty.
Atap aıtsaq, Phenchhanda shyńjańdyq qandasymyz Arshynǵazy Shákenuly konkımen júgirýden synǵa tústi.
Alaıda ol jeńis tuǵyrynan kórine alǵan joq. Arshynǵazy Úrimji qalasynda dúnıege kelgen. 2010 jyly konkımen júgirýden Qytaıdyń ulttyq quramasynyń múshesi atanyp, birinshi ret Olımpıadaǵa qatysty.
Beıjiń Olımpıadasy (Qytaı) - 2022 jyl
Bul kúnderi Beıjińde XXIV Qysqy Olımpıada ótip jatyr. Osyǵan deıin habarlaǵanymyzdaı atalǵan dodada úsh birdeı qandasymyz baq synady.
https://kaz.inform.kz/news/kytay-atynan-olimpiadaga-katysyp-zhatkan-3-kazak-sportshynyn-natizheleri-kanday_a3896052 Olar: konkı sportynan - Aqnar Adaq, shańǵy sportynan - Baıan Jalyn jáne Qadys Bedelhanuly.Ókinishke qaraı, úsheýi de júldege iline alǵan joq.
Konkıshi Aqnar Adaq - Shynjań ólkesi, Qutybı aýdanynda dúnıege kelgen. Buǵan deıin 2019 jylǵy Qytaı birinshiliginde 5000 metrlik jarysta — «altyn», 3000 metrde — kúmis medal alǵan. Halyqaralyq jarystarǵa da qatysyp, júldegerler qatarynan kórinip júr. 2016 jyly Qytaı ulttyq quramasyna qabyldanǵan.
Shańǵyshy Baıan Jalynqyzy Shyńjań ólkesi, Altaı aımaǵy, Jemeneı aýdanynda dúnıege kelgen. Qytaı birinshilikteriniń jarystaryna qatysyp, birneshe márte jeńimpaz atanǵan. 2020 jyly Drezdende (Germanııa) ótken Álem kýbogynda 9-oryn alǵan.
Taǵy bir shańǵyshy qandasymyz Qadys Bedelhan Shyńjań ólkesi, Sanjy oblysynda dúnıege kelgen. Qytaı birinshiliginiń jeńimpazy. 2017 jyldan beri Qytaı ulttyq quramasynyń úzdik sportshylarynyń biri sanalady.