Olımpıada: Mıhaıl Kýkýshkın jarys jolynan shyǵyp qaldy

TOKIO. QazAqparat - Tokıo Olımpıadasynda tennısshi Mıhaıl Kýkýshkın 1/8 fınalda qarsylasyna ese jiberdi, dep habarlaıdy QazAqparat.

Jarystyń atalǵan satysynda ol belarýstik Ilıa Ivashkomen sheberlik baıqasqan edi. Ol álemdik reıtıngte 66-orynda tur. Al qazaqstandyq sportshy 127-orynda keledi.

Oıyn barysynda 6:7, 6:3, 6:3 esebi tirkeldi. Osylaısha Belarýs tennısshisi jarysty jalǵastyrýǵa múmkindik aldy.

Ilıa Ivashko endi Markos Hıron (AQSh) pen Keı Nısıkorı (Japonııa) jubynyń jeńimpazymen kezdesedi.

Eske salsaq, Mıhaıl Kýkýshkın alǵashqy saıysynda argentınalyq Federıko Korıany 7:6, 7:5 esebimen jeńdi.

Bıyl dúbirli dodada 33 sport túrinen 339 medal jıyntyǵy sarapqa salynady. Aıtýly alamanǵa jer betindegi 206 memleketten 11 myńnan astam sportshy qatysýda.

Qazaqstandyq 97 sportshy kúnshyǵys elinde sporttyń 28 túrinen baq synaıdy.