Olımpıada komıtetiniń eskertýi: Phenchhanda qatty aıaz bolady
10:08, 11 Aqpan 2018
PHENChHAN. QazAqparat -Ońtústik Koreıanyń Phenchhan qalasynda aýa temperatýrasy 25 gradýsqa deıin tómendeýi múmkin, dep habarlaıdy QazAqparat tilshisi.
Bul týraly Olımpıada oıyndarynan tikeleı habar taratyp jatqan jýrnalısterge Olımpıada oıyndaryn uıymdastyrý komıtetiniń ókili Son Pek ıÝ ótkizgen baspasóz máslıhaty barysynda aıtyldy.
«Búgin qatty jel soǵyp tur. Kúnniń sýytyp kele jatqany baıqalady. Sınoptıkter aýa raıynyń kúrt qubylýy 14 aqpanǵa deıin jalǵasatyndyǵyn boljaýda. Aýa temperatýrasy 25 gradýsqa deıin tómendeıdi. Men barlyqtaryńyzǵa jyly kıinip júrýge keńes beremin», - dep málimdedi Son Pek ıÝ.
Esterińizge sala keteıik, búgin aýa raıyna baılanysty jarystardyń kestesine ózgerister engen bolatyn.