Olımpıada: Qazaqstandyq short-trekshiler medalsiz qaldy

PHENChHAN. QazAqparat - Búgin Ońtústik Koreıanyń Phenchhan qalasynda ótip jatqan HHIII qysqy Olımpıada oıyndarynda qazaqstandyq short-trekshiler 5000 metr qashyqtyqtaǵy estafetalyq jarysty 6-shy orynmen aıaqtady, dep habarlaıdy QazAqparat tilshisi.

Estafeta jarysynyń «B» fınalynda otandastarymyz AQSh jáne Japonııa sportshylarymen birge synǵa tústi. Atalǵan  jarysta  el namysyn  Abzal Ájǵalıev,  Nurbergen Jumaǵazıev, Denıs Nıkısha jáne Erkebulan Shamuhanov qorǵady.

Nátıjesinde jerlesterimiz estafetany júldesiz aıaqtady. Osylaısha búgin Phenchhan Olımpıadanyń short-trek jarystary óz máresine jetti.

Aıta keteıik, osy estafetalyq jarysta Vengrııa, Qytaı, Kanada short-trekshileri medaldardy ózara bólip aldy.