Olımpıada: Qazaqstandyq shańǵyshylar sprınt jarysynda irikteýden óte almady

BEIJІŃ. QazAqparat – Beıjińdegi qysqy Olımpıadada shańǵydan áıelder arasyndaǵy sprıntten irikteý syny aıaqtaldy, dep habarlaıdy QazAqparat tilshisi.

Ókinishke qaraı qazaqstandyq shańǵyshylar sprınt jarysynda irikteýden óte alǵan joq.

Jarystyń erejesine sáıkes, shırek fınalǵa joldama alý úshin sportshylar alǵashqy 30 shańǵyshynyń qataryna enýi kerek bolatyn.

Biraq, qazaqstandyqtar sapynan eń joǵary nátıjeni Nadejda Stepashkına tirkedi. Ol máre syzyǵyn 51-shi bolyp kesip ótti.

Al ózge shańǵyshylarymyzdan Angelına Shýryga 60-oryn, Ksenııa Shalygına 67-oryn, Irına Bykova 68-orynmen irikteý synyn aıaqtady.

Endi shamaly ýaqyttan keıin erler arasyndaǵy irikteý syny bastalady. Onda qazaqstandyq Evgenıı Velıchko men Vıtalıı Pýhkalo óner kórsetedi.

Aıta keteıik, Beıjiń qalasyndaǵy 2022 jylǵy Qysqy Olımpıadada sporttyń jeti túrinen 109 medal jıyntyǵy sarapqa salynady.

Aq Olımpıadada elimizdiń atynan 34 sportshy 85 joldama boıynsha el namysyn qorǵap jatyr.