Olımpıada: Qazaqstandyq iz kesý jarysyna qatysýǵa múmkindik aldy

NUR-SULTAN. QazAqparat - Búgin Beıjińde ótip jatqan Olımpıadada oıyndarynda bıatlonnan erler arasyndaǵy sprınt jarysy ótti, dep habarlaıdy QazAqparat.

Bıatlon erler arasyndaǵy 10 shaqyrymdyq sprınt jarysynda el namysyn Vladıslav Kıreev jáne Aleksandr Mýhın qorǵady.

Jarys qorytyndysynda Aleksandr Mýhın máre syzyǵyn 49-shy bolyp kesti. Al Vladıslav Kıreev márege 77-shi bolyp jetti.

Nátıjesinde Mýhın aldyńǵy 50 sportshynyń qatarynan kórinip, iz kesý jarysyna qatysýǵa múmkindik aldy.

Bul dodada máre syzyǵyn birinshi bolyp kesken Norvegııa Iohannes Boe (24:00.4 (0+1)) jeńimpaz atandy. Ekinshi oryndy frantsııalyq bıatlonshy Kventın Fııon-Meıle (+25,5 (1)) qanjyǵasyna baılady. Úzdik úshtikti Norvegııanyń taǵy bir ókili Tarıa Be (+38,9 (1)) túıindedi.