Olımpıada chempıony A.Vınokýrov «Rixos Borovoe-2013» qaıyrymdylyq velosherýine qatysady
12:29, 15 Tamyz 2013
ASTANA. 15 tamyz. QazAqparat - Osy senbide qazaqstandyq jáne sheteldik iri kompanııalar top-menedjerleriniń jáne memlekettik organdar ókilderiniń qatysýymen «Rixos Borovoe-2013» qaıyrymdylyq velosherýi ótedi.
Sharaǵa qatysýshy 150 adamnyń arasynda Olımpıada chempıony Aleksandr Vınokýrov ta bar.
Qaıyrymdylyq velosherýiniń maqsaty - «Tynys al, balaqaı!» respýblıkalyq jobasy aıasynda Kókshetaý qalasyndaǵy oblystyq perınataldy ortalyqtyń jan saqtaý bólimshesine qajetti medıtsınalyq qural-jabdyqtardy satyp alýǵa qarjy jınaý.
Aıta keterligi, oblystyq perınataldy ortalyqta jyl saıyn 4 myńnan astam sábı dúnıe esigin ashady. Shetinegen sábılerdiń shamamen 80 paıyzyn shala týǵandar quraıdy.