Olımpıada chempıony Eldos Smetov Oralda jas sportshylarmen kezdesti

<p>ORAL. KAZINFORM&nbsp; - Oral qalasyna kelgen dzıýdodan Parıj Olımpıadasynyń chempıony Eldos Smetov Olımpıada rezerviniń oblystyq mamandandyrylǵan mektep-ınternat kolledjiniń jas sportshylarymen kezdesti.</p>

Oqý ornynyń dırektory Ashat Shákirov atalmysh sporttyq bilim ordasynyń 20 jyldyq belesimen tuspa-tus kelgen júzdesýdiń mańyzy erekshe ekendigin aıtyp, Eldos Smetovke alǵysyn bildirdi. 

Foto: Olımpıada rezerviniń oblystyq mamandandyrylǵan mektep-ınternat kolledji

Olımpıadanyń altyn, kúmis, qolasyn túgel alǵan Eldos Smetov óziniń jeńiske jetý jolyndaǵy baı tájirıbesimen bólisip, kezdesken qıyndyq pen synaqtardy qalaı eńsergeni týraly áserli áńgimelep berdi.

Bes jasynda aǵalaryne erip, sport zalyna kelgen Eldos Smetov temirdeı tártip pen tynymsyz eńbek jáne jeńiske degen umtylystyń arqasynda Olımptiń bıik shyńyn baǵyndyra bildi.

- Qaı kezde de maǵan otbasym, ata-anam, baýyrlarym myqty motıvatsııa berdi. Eń aldymen otbasyn súıgen ár adam Otanyn da súıedi. Sportqa degen umtylys, úzbeı jattyǵyp, shyńdalý, nyq senim jarqyn jeńisterge jol ashady. Ózderińniń aralaryńnan da Olımpıada chempıony shyǵady dep úmittenemin, - dedi Eldos Smetov.

Júzdesý barysynda jas sportshylar suraq qoıyp, dańqty dzıýdoshynyń jaýabyn estidi. Sońynan Olımpıada chempıonynan qoltańba alyp, estelik sýretke tústi. 

undefined

- Men mektep-ınternat kolledjiniń 9-synybynda oqımyn, dzıýdo bóliminiń tárbıelenýshisimin. Dzıýdodan Olımpıada chempıony Eldos Smetovpen bolǵan kezdesý bizge úlken motıvatsııa berip, umytylmas áser qaldyrdy. Jeńimpazdyń ómir joly men tabandylyǵy biz úshin úlgi. Endi men de óz aldyma maqsat qoıyp, soǵan jetý úshin bar kúsh-jigerimdi jumsaımyn. Eldos aǵamyzdyń joly bizge de buıyrsyn, - dedi Nurtýǵan Marat.

Sapar barysynda Eldos Smetovti Batys Qazaqstan oblysynyń ákimi Narıman Tóreǵalıev qabyldap, qurmet kórsetti.

Kezdesý barysynda Olımpıada chempıony óńirdiń sport salasyndaǵy jetistiktermen tanys boldy. Oblys ákimi Eldos Smetovke sáttilik tiledi.

- Olımpıada oıyndarynda ózińe barsha qazaq eli jankúıer boldy. Ásirese, jastarymyzdyń úlgi tutar sportshysyna aınaldyń. Árdaıym sáttilik serik bolsyn! – dedi óńir basshysy.

BQO Dzıýdo federatsııasynyń prezıdenti Rýstam Shaıhıev Olımpıada chempıonynyń Balalar úıine de baryp, óz tartý-taralǵysyn bergenin jetkizdi.

Eske sala keteıik, budan buryn Eldos Smetovtiń memlekettik qyzmetke barmaıtyny, taǵy bir Olımpıadaǵa qatysatyny týraly aıtqanyn jazǵan bolatynbyz.