Olımpıada: Bıatlonshylarymyz medaldan tys qaldy

BEIJІŃ. QazAqparat – Beıjińdegi qysqy Olımpıada oıyndarynda erler arasyndaǵy bıatlonnan jekeleı jarystar óz máresine jetti, dep habarlaıdy QazAqparat tilshisi.

Atalǵan synda el namysyn Aleksandr Mýhın men Vladıslav Kıreev qorǵady.

Nátıjesinde Kıreev (+3:41.8) 25-orynǵa ıe bolsa, Mýhın (+6:13.0) 52-shi orynnan kórindi.

Atalǵan synda bas júldeni frantsııalyq Kventın Fııon Maıle jeńip aldy. Ekinshi orynǵa Belarýs sportshysy Anton Smolskıı taban tiredi. Al «qolany» norvegııalyq Iohanes Be qanjyǵasyna baılady.

Eske sala keteıik, Olımpıada oıyndarynda sporttyń jeti túrinen 109 medal jıyntyǵy sarapqa salynyp jatyr.

XXIV qysqy oıyndarǵa Qazaqstan quramasynan barlyǵy 34 sportshy qatysýda. Olar 87 joldama jeńip aldy.

Qazaqstandyqtar shańǵy jarysy, frıstaıl, akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsýde.

Foto: Vladıslav Semenov, Qazaqstan UOK.