Olımpıada: Bıatlonshylarymyz aralas estafetany 18-shi orynmen aıaqtady

PHENChHAN. QazAqparat - Ońtústik Koreıanyń Phenchhan qalasynda ótip jatqan HHIII qysqy Olımpıada oıyndarynda búgin bıatlonshylarymyz aralas estafetany 18-shi orynmen aıaqtady, dep habarlaıdy QazAqparat tilshisi.

2h6 shaqyrym jáne 2h7,5 shaqyrymdyq aralas estafetaǵa Qazaqstannan eki er, eki áıel sportshy, ıaǵnı  áıelder arasynda Galına Vıshnevskaıa men Alına Raıkova qatyssa, erler arasynda Maksım Eremın men Maksım Braýn baq synady.

Jalpy aralas estafetaǵa 20 komanda qatysqan bolatyn. Biraq Slovakııa men Lıtva dıskvalıfıkatsııaǵa baılanysty jarysty aıaqtaı alǵan joq. Sonymen, bizdiń otandastarymyz máre syzyǵyn 1: 14: 13.7 ýaqytta kesip ótip, eń sońǵy oryndy qanaǵat tutty. Olar jeńimpaz komandadan 5: 39.4 mınýtqa artta qalyp qoıdy.

Atalǵan dodada bas júldeni Frantsııa (1: 08: 34,3) quramasy jeńip alsa, ekinshi oryndy Norvegııa (+20,9), al úzdik úshtikti, ıaǵn qola júldeni Italııa (+ 26,9) komandasy jeńip aldy.