PARIJ. KAZINFORM — Qazaqstannyń birinshi, álemniń 25-raketkasy Aleksandr Býblık Parıj Olımpıadasynda jeńilip qaldy.
Qazaqstandyq tennısshi alǵashqy aınalymda álemniń 11-raketkasy, amerıkalyq Teılor Frıttspen sheberlik baıqasty.
Amerıkalyq sportshy matchty breıkpen bastady – 2:0. Sol breık oǵan jetkilikti boldy – 6:4.
Ekinshi sette de Frıtts 3:1 esebimen alǵa ketti. Aqyry bosańsymaı, óz degenine jetti - 6:4. Bir saǵatqa sozylǵan báseke barysynda Býblık 6 eıs jasaǵanymen, 2 breık-poıntty paıdalana almady. Qarsylasy 12 eıs, 2 breıkpen (6 breık-poınt) kózge tústi.
Osylaısha, Olımpıadada jekeleı synda Qazaqstannan Aleksandr Shevchenko ǵana qaldy. Al A.Býblık endi Aleksandr Nedovesovpen birge juptyq synda óner kórsetedi.
Eske sala keteıik, budan buryn Anna Danılınanyń Rýmynııadaǵy WTA 250 týrnırinde top jarǵanyn jazǵan bolatynbyz.
ıÝlııa Pýtıntseva Olımpıadaǵa nege qatysa almaǵanyn túsindirdi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).