Olımpıada alaýy Tokıoǵa jetti

NUR-SULTAN. QazAqparat - Bir jyldyq kidiristen keıin Olımpıada alaýy Tokıoǵa da jetti, dep habarlaıdy QazAqparat Ulttyq Olımpıada komıtetiniń saıtyna silteme jasap.

Olımpıada alaýy Tokıoǵa 120 kúndik saparynyń sońǵy eki aptasynda Japonııadaǵy barlyq 47 prefektýrany aralap keldi.

«Úmit bizdiń jolymyzdy nurlandyrady» degen uranmen saıahattaǵan alaý 1964 jyly Tokıo Olımpıadasyna arnalyp salynǵan Komadzava Olımpıada parki stadıonynda saltanatty túrde qarsy alyndy.

«Men alaý estafetasyn sátti ótkizýge kómekteskenderge shyn júrekten rızashylyǵymdy bildirgim keledi. Biz búkil Japonııadaǵy adamdardyń kómegimen qıyn jaǵdaılardy jeńe aldyq», - dedi Tokıo gýbernatory Koıke ıÝrıko.

Alaýdy úsh dúrkin paralımpıada oıynshysy Tagýchı Akı podıýmǵa alyp shyqty.

Buǵan deıin Japonııa bıligi COVID-19 taralýyna baılanysty 12 shilde men 22 tamyz aralyǵynda jarııalanǵan tótenshe jaǵdaıǵa baılanysty jazǵy Olımpıada oıyndaryna kórermenderdi jibermeý týraly sheshim qabyldaǵan bolatyn.

Oıyndar 23 shilde men 8 tamyz aralyǵynda ótedi.