Olımpıada-2022: Medaldar boıynsha kósh bastap turǵan elder
Norvegııa quramasy júldeler kestesinde ekinshi orynda turǵan Germanııadan 4 altyn artyq alyp, jeke dara kósh bastap tur. Olardyń enshisinde 15 altyn, 8 kúmis, 12 qola (35) medal bar.
Al Germanııa quramasy búgin qorjyndaryn taǵy bir altyn, bir kúmis medalmen tolyqtyrdy. Nátıjesinde 11 altyn, 8 kúmis, 5 qola (24) medalmen ekinshi orynda keledi.
Sondaı-aq, búgin osyǵan deıin úzdik úshtikten túspeı kele jatqan AQSh quramasyn Qytaı sportshylary bir «altyn» aıyrmashylyǵymen basyp ozdy. Olımpıadany óz elinde ótkizip jatqan qytaılyqtar 9 altyn, 4 kúmis, 5 qola medalmen ázirge úzdik úshinshi oryndy ıelenip tur. Al AQSh keshegi ornynan bir saty tómendep tórtinshi pozıtsııaǵa jaıǵasty.
Medal kórsetkishimen úzdik ondyqta turǵan elder:
1. Norvegııa - 15 altyn, 8 kúmis, 12 qola
2. Germanııa - 11 altyn, 8 kúmis, 5 qola
3. Qytaı - 9 altyn, 4 kúmis, 2 qola
4. AQSh - 8 altyn, 9 kúmis, 7 qola
5. Shvetsııa - 8 altyn, 5 kúmis, 5 qola
6. Nıderland - 8 altyn, 5 kúmis, 4 qola
7. Shveıtsarııa - 7 altyn, 2 kúmis, 5 qola
8. Reseı - 6 altyn, 11 kúmis, 14 qola
9. Avstrııa - 6 altyn, 7 kúmis, 4 qola
10. Frantsııa - 5 altyn, 7 kúmis, 2 qola
Aıta keteıik, dál búginge deıin Olımpıada medaline qol jetkizgen elder qatary 29-ǵa jetti. Onyń ishinde 22 memlekettiń qorjynynda altyn medal bolsa, 26 memlekette kúmis júlde bar. Sondaı-aq Latvııa, Polsha jáne Estonııa elderi bir-bir «qoladan» utyp aldy.
Ókinishke qaraı, Qazaqstan qorjyny ázirge bos tur. Erteń, Olımpıadanyń sońǵy kúninde 3 sportshymyz synǵa túsedi. Shańǵy jarysynan Angelına Shýryga, Irına Bykova jáne Nadejda Stepashkına 30 shaqyrymǵa mass-startta jarysqa túsedi.