Olımpıada-2022: Qazaqstan sportshylarynyń kıim úlgisi stıldi formalar reıtıngine endi

NUR-SULTAN. QazAqparat – Halyqaralyq Olımpıada komıteti Beıjińdegi qysqy oıyndardaǵy ulttyq quramanyń úzdik sándi kıim úlgisi tizimin jarııalady. Úzdikterdiń qataryna qazaqstandyq sportshylardyń kıim úlgisi kirgen, dep habarlaıdy QazAqparat Olympic.kz-ke silteme jasap.

«Qazaqstan sán synynan ótti» - delingen HOK málimdemesinde.

«ZIBROO sporttyq kıiminiń qazaqstandyq óndirýshisi reseılik dızaıner Dmıtrıı Shıshkınmen Beıjiń 2022 úshin yntymaqtasqan. Toptamanyń kók jáne aq tústeri muz ben qardy beıneleıdi, al qara tús sáttilikti bildiredi», – dep atap ótti Halyqaralyq Olımpıada komıtetinen.
Sondaı-aq HOK óz sholýynda Forbes jýrnalyna silteme jasap, qazaqstandyq sportshylardyń kıimin «eń jaqsy sán dıplomatııasy» dep atady. Buǵan deıin amerıkalyq basylym Qazaqstannyń Olımpıadalyq formasyn da Beıjińdegi oıyndarda eń stıldi kıimder reıtıngine qosqan bolatyn.
Qazaqstanmen qatar Halyqaralyq Olımpıada komıteti men Forbes AQSh, Kanada, Reseı, Qytaı, Shvetsııa jáne Germanııa sportshylarynyń obrazdaryn erekshe atap ótti.

Esterińizge sala keteıik, búgin, 4 aqpanda, 2022 jylǵy qysqy oıyndardyń resmı ashylýy ótedi. Saltanatty rásim Beıjiń ulttyq stadıonynda ótedi. Ótken jyly Tokıodaǵy jazǵy Olımpıada oıyndarynda qazaqstandyq sportshylardyń kıimi úzdik sán úlgisi dep tanylǵan edi.

Eske salsaq, Beıjiń Olımpıadasynyń ashylý saltanaty búgin etedi. Onda Qazaqstan quramasynyń ókilderi Abzal Ájǵalıev pen Ekaterına Aıdova memlekettik týdy ustap shyǵady.