Olımpıada-2018: Jumaǵazıev alǵashqy irikteý synynan ótpeı qaldy

PHENChHAN. QazAqparat - Ońtústik Koreıada ótip jatqan qysqy Olımpıada oıyndarynda búgin short-trekten 1000 metr qashyqtyqta synǵa túsken Nurbergen Jumaǵazıev fınalǵa ótpeı qaldy, dep habarlaıdy QazAqparat tilshisi.

Otandasmyz 1000 metr qashyqtyqty 1:24.271 ýaqytpen júgirip ótip, óz tobynda sońǵy tórtinshi orynǵa ıe boldy. Atalǵan qashyqtyqta shırek fınalǵa kanadalyq Samýel Jırar (1:23.894) men Olımpıada komıtetiniń atynan óner kórsetken reseılik sportshy Semen Elıstratov (1:23.979) shyqty.

Endi, sanaýly mınýttardan keıin Jumaǵazıev 5 myń metrlik estafeta jarysynda taǵy da óner kórsetedi. Estafetada onymen birge Abzal Ájiǵalıev, Denıs Nıkısha, Erkebulan Shamuhanov muz aıdynǵa shyǵady.