Olımpıada-2018: Short-trekshilerimiz estafetalyq jarysta fınalǵa óte almady

PHENChHAN. QazAqparat - Ońtústik Koreıadaǵy ótip jatqan qysqy Olımpıada oıyndarynda búgin short-trekten Qazaqstan quramasy fınalǵa óte almady, dep habarlaıdy QazAqparat tilshisi.

5000 myń metrlik estafeta jarysynda komanda kapıtany Abzal Ajǵalıev, Nurbergen Jumaǵazıev, Denıs Nıkısha jáne Erkebulan Shamýhanov muz aıdynǵa shyqty.  Qazaqstan quramasynyń qarsylastary Kanada, Qytaı jáne Gollandııa eliniń sportshylary atandy.

Jarys barysynda qurama múshesi Denıs Nıkısha qulap qaldy. Nátıjesinde jyldamdyqty joǵaltyp alǵan otandastarymyz óz tobynda 6:47.727 ýaqyt kórsetkishimen tórtinshi orynǵa ıe boldy.

Bul saıysta Qytaı quramasy (6:36.605) birinshi,  Kanada (6:41.042) ekinshi, al úshinshi orynǵa Gollandııa quramasynyń sportshylary ıe boldy.
  
   


Foto: Danııar Maılybaev