Olımpıada-2018: Shańǵyshylarymyz sátsiz óner kórsetti

PHENChHAN. QazAqparat - Búgin Ońtústik Koreıanyń Phenchhan qalasynda ótip jatqan XXІІІ qysqy Olımpıada oıyndarynda shańǵy jarysynan el namysyn qorǵaǵan sportshylarymyz sátsiz óner kórsetti, dep habarlaıdy QazAqparat tilshisi.

Búgin shańǵy jarysynan erler arasynda erkin stılden 15 shaqyrymdyq jarys ótken bolatyn. Onda el namysyn Denıs Volotka, Evgenıı Velıchko jáne  Vıtalıı Pýhkalo qorǵap, úsheýi de júldeli oryndardan qur qaldy. Al quramamyzdyń kóshbasshysy Alekseı Poltoranın bul synǵa qatysqan joq. Ol klassıkalyq jarysqa daıyndalyp jatyr.
 

Sonymen atalǵan qashyqtyqty otandastarymyz arasynan Pýhkalo 36:57.4 ýaqytta baǵyndyryp, márege 54-shi bolyp jetti. Al Evgenıı Velıchko (37:28.6) 61-shi, Volotka bolsa (37:39.8) 64-shi orynǵa turaqtady.

Bul synda bas júldeni shveıtsarııalyq Darıo Kolonıa (33:43.9) jeńip alsa, ekinshi orynǵa norvegııalyq Sımen Hegstad Krıýger (34:02.2) ıe bolsa, úzdik úshtikti Olımpıada týy astynda synǵa túsip jatqan Reseı quramasynyń sportshysy Denıs Spıtsov (34:06.9) qanjyǵasyna baılady.

Jalpy bul jarysqa 119 sportshy qatysty.