Olımpıada-2018: Medal kútińizder - ıÝlııa Galysheva

PHENChHAN. QazAqparat - Ońtústik Koreıanyń Phenchhan qalasynda ótken Qazaqstannyń týyn kóterý rásiminde qazaqstandyq sportshy ıÝlııa Galysheva medaldan úmitti ekenin aıtty, dep habarlaıdy QazAqparat tilshisi arnaıy Phenchhannan.

Qysqy Olımpıada oıyndaryna joldama alǵan qazaqstandyq sportshylardyń ishinde medal alýǵa basty úmitkerlerdiń biri - mogýlshi ıÝlııa Galysheva.

Ol búgin QazAqparat tilshisine bergen shaǵyn suhbatynda óziniń múmkindigi týraly aıtyp ótti.

- Olımpıadaǵa qanshalyqty daıynsyz?

- Olımpıadaǵa júlde úshin keldim. Buıyrsa, mennen medal kútińizder.

- Ózińizge qanshalyqty senimdisiz?

- Men qazir naǵyz babymdamyn. Buıyrsa tek medal úshin saıysamyn. Osyǵan deıin álem kýbogynyń tórt kezeńinde baǵymdy synadym. Barlyq kezeńdegi kórsetkishim kóńilimnen shyqty.  Bul kezeńder Olımpıada aldyndaǵy basty synaq bolatyn.

- Buıyrsa sizdi Olımpıadada jeńis tuǵyrynan kóremiz be?

- Solaı bolýyn tileı berińizder. Qazir babymdamyn, tek baǵym shapsa bolǵany.

- Óz múmkindigińizdi shamalap kórgen sııaqtysyz...

- Iá, birinshi oryn demesek te, ekinshi, úshinshi oryndar úshin talasýǵa bolady.

- Áńgimeńizge rahmet. Ózińiz oılaǵan bıikti baǵyndyrýǵa tilekshimiz...

Eske sala ketsek, ıÝlııa Galysheva 9 aqpanda  (juma) frıstaıl-mogýlden biliktilik jarysyna qatysady.