Olımpıada-2018: Qos Koreıa bir týdyń astyna birigedi

ASTANA. QazAqparat - Ońtústik Koreıanyń Phenchhan qalasynda ótetin XXIII Qysqy Olımpıada oıyndarynyń saltanatty alyshý rásiminde qos Koreıa bir týdyń astynda sportshylardy bastap shyǵady, dep habarlaıdy QazAqparat.

Bul týraly korrespondent.net portaly eki el arasynda júrip jatqan dıplomatııalyq kelissózder qorytyndysyna silteme jasap habarlady. 

Endi qos eldiń sportshylary tórtkúl dúnıe kóz tigetin dodanyń saltanatty ashylý rásiminde bir týdyń astynda júrip ótedi. 

Aıta keterligi, Olıpıadanyń ashylý kezinde eki el alǵash ret bir týdyń astynda shyqqaly otyrǵan joq. Osyǵan deıin 2000, 2004 jylǵy Jazǵy Olımpıadada jáne 2006  jyly Týrınde (Italııa) ótken qysqy Olımpıada kezinde de qos Koreıanyń sportshylary bir týdyń astynda júrip ótken bolatyn.

XXIII qysqy Olımpıada oıyndaryna KHDR elinen 150-ge jýyq sportshy, 200-den astam jankúıer barady dep josparlanyp otyr. Osyǵan deıin aıtyp ótkenimizdeı  Ońtústik Koreıa men KHDR hokkeıden ortaq áıelder komandasyn qurý týraly kelisimge kelgen bolatyn. 

Esterińizge sala keteıik, Olımpıada oıyndary 9-25 aqpan aralyǵynda Ońtústik Koreıanyń Phenchhan qalasynda ótedi.