Olımpıada-2018: Qazaqstandyq short-trekshi qyzdar irikteýden ótpeı qaldy

PHENChHAN. QazAqparat - Ońtústik Koreıanyń Phenchhan qalasynda ótip jatqan HHIII qysqy Olımpıada oıyndarynda búgin short-trekshilermiz muz aıdynda shyqty, dep habarlaıdy QazAqparat tilshisi.

Short-trekten áıelder arasynda 1000 metrlik irikteý synynda otandastarymyz arasynan Anastasııa Krestova men Kım Iong baq synap, alǵashqy irikteý synynan ótpeı qaldy.

Anastasııa Krestova muz aıdynǵa ekinshi topta shyqty. Ol óz tobynda atalǵan qashyqtyqty 1:31.557 ýaqytta júgirip ótip, úshinshi orynǵa ıe boldy. Nátıjesinde ol shırek fınalǵa shyǵa alǵan joq. Al Ońtústik Koreıadan arnaıy kelip, Qazaqstan týy astynda synǵa túsip jatqan Kım Iong úshinshi topta synǵa túsip, ol da óz tobynda úshinshi orynǵa taban tirep, kelesi kezeńge ótpeı qaldy. Kım Iong 1000 metrdi 1:29.703 ýaqytta júgirip ótti.

Endi sanaýly mınýttardan keıin, erler arasynda 500 metr qashyqtyqta Abzal Ájǵalıev, Nurbergen Jumaǵazıev jáne Denıs Nıkısha óner kórsetedi.