Olımpıada-2018: Bıatlonshy jigitterimiz de júldesiz qaldy

PHENChHAN. QazAqparat - Búgin Ońtústik Koreıanyń Phenchhan qalasynda ótip jatqan HHIII qysqy Olımpıada oıyndarynda bıatlonnan tórt birdeı jigitimiz jarys alańyna shyǵyp, barlyǵy júldeli oryndarǵa jete almady, dep habarlaıdy QazAqparat tilshisi.

Bıatlonshy jigitterimizden el namysyn Vasılıı Podkorytov, Maksım Braýn, Tımýr Hamıtgatın jáne Vladıslav Vıtenko qorǵaǵan bolatyn. Olar 20 shaqyrymdyq jekeleı saıysta baqtaryn synap, ókinishke qaraı sońǵy oryndardy mise tutty.

Atalǵan qashyqtyqty  Maksım Braýn 61-shi orynmen aıaqtasa, Vasılıı Podkorıtov 62-shi, al Tımýr Hamıtgatın 72-shi orynǵa ıe boldy. Sondaı-aq,  Vladıslav Vıtenko 83-shi orynmen eń sońǵy orynǵa jaıǵasty.

20 shaqyrymdyq jekeleı saıysta bas júldeni norvegııalyq Iohannes Be qanjyǵasyna baılasa, kúmisti slovenııalyq Fak ıAkov jeńip aldy. Úzdik úshtikti avstrııalyq Domınık Landertın jeńip aldy.

Esterińizge sala keteıik, osyǵan deıin 15 shaqyrymdyq jekeleı saıysta bıatlonshy qyzdarymyz da júldesiz qalǵanyn jazǵan bolatynbyz.

    

  
 

Foto: Іzturǵan Aldaýev