Olımpıada-2018: 6 myńnan astam sportshydan dopıng synamalary alyndy

ASTANA. QazAqparat - Ońtústik Koreıanyń Phenchhan qalasynda ótetin XXIII qysqy Olımpıada oıyndaryn dopıngten taza ótkizý úshin sportshylardan 14 myńnan astam synama alyndy, dep habarlaıdy QazAqparat.

Halyqaralyq Olımpıada Komıtetiniń (HOK) resmı málimetinde atap ótilgendeı, jarystarǵa qatysatyn 61 eldiń 6 myńnan astam sportshysynan 14 myńnan astam synama alynǵan.

Atalǵan derekkózge súıensek, dopıngke qarsy is-qımyldyń aldyn ala sharalary sheńberinde 2017 jyldyń sáýir-jeltoqsan aılarynda Ulttyq dopıngke qarsy kúres uıymdary (NADO) jáne Halyqaralyq qysqy sport federatsııasy Olımpıada oıyndaryna deıin sportshylardan alynatyn synamalar sanyn arttyrǵan. Basty maqsat - Phenchhan Olımpıadasyna deıin taza sportshylardy qorǵaý.

Esterińizge sala keteıik, Olımpıada oıyndary 9-25 aqpan kúnderi aralyǵynda ótedi. Onda sporttyń 15 túrinen 102 medal jıyntyǵy sarapqa salynady. Qazaqstan sporttyń 9 túrinen synǵa túsedi.