OLIMP KZ-pen baılanysty qylmystyq toptyń múshesi Serbııadan ekstradıtsııalandy

<p>18 qarashada &laquo;OLIMP KZ&raquo; býkmekerlik keńseciniń qyzmetimen baılanysty qylmystyq toptyń quramynda bolǵan kúdikti Germanııadan Qazaqstanǵa ekstradıtsııalanǵan bolatyn. Búgin onyń sybaılasy Serbııa Respýblıkasynan ekstradıtsııalandy, dep habarlaıdy QR Bas prokýratýrasy.&nbsp;</p>

Kúdiktini Bas prokýratýra, Qarjylyq monıtorıng agenttigi jáne ІІM-niń Interpol qyzmetkerleri Syrtqy ister mınıstrliginiń kómegimen elge jetkizdi.

Olar 2014-2019 jyldary qylmystyq toptyń quramynda zańsyz qumar oıyndaryn ótkizýge, salyqty jáne bıýdjetke tólenetin basqa da mindetti tólemderdi tóleýden jaltarǵany, sondaı-aq qylmystyq jolmen alynǵan aqsha men múlikti zańdastyrýǵa qatysy bar degen kúdikke ilingen.

Atalǵan zańsyz áreketterdiń saldarynan memleketke 86 mıllıard teńgeden astam shyǵyn keltirilgen.

Osyǵan baılanysty kúdiktilerge qatysty sotqa deıingi tergep-tekserý bastalyp, keıin olar halyqaralyq izdeýge jarııalanǵan.

Qylmystardy jasaǵany úshin múlkin tárkileýmen 3 jyldan 10 jylǵa deıingi merzimge bas bostandyǵynan aıyrý jazasy kózdelgen.

Qazirgi ýaqytta kúdikti Astana qalasynyń tergeý ızolıatoryna qamaldy.

Aıta keteıik, fıgýrantty ekstradıtsııalaý Qazaqstan men Serbııa arasyndaǵy «Ustap berý týraly» sharttyń bolýyna baılanysty múmkin boldy.