Ólim jazasyn túpkilikti joıý úshin Konstıtýtsııaǵa ózgeris engizý kerek – Prezıdent
«Meniń azamattardyń negizgi quqyqtaryn qorǵaýǵa erekshe nazar aýdaratynymdy bilesizder. 2020 jyly bizdiń elimiz ólim jazasynyń kúshin joıýdy kózdeıtin azamattyq-saıası quqyqtar týraly ekinshi fakýltatıvti hattamaǵa qosyldy. Ótken jyly men osy salany uzaq merzimdi jáne keshendi damytýǵa baǵyttalǵan Adam quqyqtary salasyndaǵy ári qaraıǵy sharalar týraly Jarlyqqa qol qoıdym. Ulttyq qoǵamdyq senim keńesiniń qatysýymen basqa da birqatar progressıvti bastamalar iske asyryldy. Alaıda, quqyq qorǵaý problematıkasy únemi jetildirýdi talap etedi. Ólim jazasyn joıý týraly sheshimdi túpkilikti bekitý úshin Konstıtýtsııaǵa tıisti ózgerister engizý kerek dep sanaımyn», - dedi Qasym-Jomart Toqaev.
Buǵan deıin Qasym-Jomart Toqaev Qazaqstan halqyna Joldaýynda Konstıtýtsııalyq sot qurýdy usynǵan edi. Onda Bas prokýror men Adam quqyǵy jónindegi ýákilge de Konstıtýtsııalyq sotqa júginý múmkindigin berýdi usyndy .
Sonymen birge, Prezıdent azaptaýmen baılanysty qylmystardy Bas prokýratýraǵa júkteýdi usyndy.