Olga Safronova jartylaı fınalǵa óte almady

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda búgin qazaqstandyq jeńil atlet Olga Safronova jartylaı fınal joldamasy úshin jubanysh kezeńinde synǵa tústi.</p>

Nátıjesinde otandasymyz 200 metrge júgirý saıysynyń jubanysh kezeńinde atalǵan qashyqtyqty 23,70 sekýndta eń sońǵy sportshy bolyp kesip ótti.

Aıta ketsek, keshe ol 200 metrge júgirý saıysynyń irikteý kezeńinde baq synap, belgilengen mejeni 23,58 cekýndta baǵyndyryp, márege taǵy da sońǵy bolyp jetken bolatyn.

Osylaısha, Parıj Olımpıadasynyń ashylý saltanatynda boksshy Aslanbek Shymbergenovpen birge Qazaqstan týyn ustap shyqqan Olga Safronova jarysty sátsiz aıaqtady.

Esterińizge sala keteıik, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵyn sarapqa salyp jatyr.

Parıj Olımpıadasynda búgin, ıaǵnı 5 tamyz kúni qazaqstandyq sportshylar stend atý, jeńil atletıka, grek-rım kúresi sekildi 3 jarys túrinen baq synaýda.