Olar bizdi qıyndyqta qaldyrmady – Túrkııadan oralǵan qazaqstandyqtar Prezıdent pen SІM-ne alǵys aıtty
25 qańtardan beri Asadýlla Arystanov Gazıantep qalasynda. Ol Túrkııaǵa jeke jumysymen, bıznespen aınalysýǵa kelgen. Iran men Túrkııadan toqyma buıymdaryn, kilemder alyp baryp satady.
«Birinshiden, men elimizdiń Prezıdenti Qasym-Jomart Toqaevqa alǵysymdy bildiremin. Qazaqstannyń Túrkııadaǵy elshisi Erkebulan Sápıevke de alǵys aıtqym keledi. Biz qıyn jaǵdaıda qaldyq. Konsýldyqtyń resmı saıtynda biz dıplomatııalyq ókildik qyzmetkerleriniń baılanystaryn taptyq. Olar bizge birden jaýap berdi. Bir qońyraýdan keıin Qazaqstannyń Túrkııadaǵy elshiliginiń qyzmetkerleri habarlasyp, evakýatsııany uıymdastyrdy. Olar bizge jol kórsetti, bizdi qaıda kútetinin túsindirdi. Azamattaryn qıynshylyqta qaldyrmaı, eline aman-esen jetkizgeni úshin Prezıdent pen Elshilikke alǵysymyzdy bildiremiz», - dep bólisti Asadýlla Arystanov.
Raıhan Nabıeva Gazıantepte turatyn týystaryna qonaqqa barǵan. Olsonda úsh aı turýdy josparlapty.
«Alaıda jer silkinisi meniń josparlarymdy ózgertti. Maǵan kómektesken Túrkııanyń Qazaqstandaǵy elshiliginiń qyzmetkerlerine rahmet, men sátti jettim. Jıenim Almatyda polıtsııada jumys isteıdi. Ol maǵan kómektesti, qyzmetkerlermen, qutqarýshylarmen habarlasty. Barsha qazaqstandyqtarǵa rahmet. Bári jaqsy, ýaqytynda qutqaryldy, jaqsy ushty. Jer silkinisi bolǵan kezde qonaqta otyr edim. Estigen boıda kóshege júgirip shyǵyp, tańǵa deıin kólikterde otyrdyq. Qurban bolǵandar kóp boldy. Alla barlyǵyna járdem bersin», - dedi Raıhan Nábıeva.