Ol máńgilik júregimizde - Dımash Qudaıbergen Bekzat Sattarhanov týraly
17:05, 04 Sáýir 2019
ALMATY. QazAqparat - Belgili ánshi Dımash Qudaıbergen Olımpıada chempıony Bekzat Sattarhanovty Instagram-daǵy paraqshasynda eske aldy. Búgin - sportshynyń týǵan kúni.
«Búgin qazaqtyń qaısar batyry Bekzat Sattarhanov aǵamyzdyń ómirge kelgen kúni.Qysqa ǵana ǵumyr keshse de ,elimizdiń tuǵyryn úlken deńgeıge kótergen arystaı azamatymyz mángilik júregimizde. Er esimi el - esinde! Alashtyń tekti urpaǵynyń tuqymy Bekzat aǵa, jatqan jeriń jaıly, qarańǵy jeriń jaryq bolsyn», - dep jazdy Dımash.
Qazaqstandyq boksshy, 2000 jyly ótken Sıdneı Olımpıadasynyń jartylaı jeńil salmaq boıynsha chempıony Bekzat Sattarhanov 1980 jyly 4 sáýirde dúnıege kelgen. Sportshy nebári 20 jasynda kólik apatynan qapyda kóz jumdy.