Ol qyzdy qorqytyp ustap turdy – mınıstr Ahmetjanov banktegi oqıǵa jaıly

ASTANA. QazAqparat – Kepilge alynǵan bank qyzmetkerleri bosatylǵannan keıin Іshki ister mınıstri Marat Ahmetjanov oqıǵanyń mán-jaıyn aıtyp berdi, dep habarlaıdy QazAqparat tilshisi.

«Men onymen (kepilge alǵan er adam – avtor túsindirmesi) sóılestim. Ol meniń jeke basyma qatysty derekterdi tekserdi. Ol qyzdy qorqytyp ustap turdy. Qazir tergeý júrip jatyr. Men qaıtalap aıtamyn, zardap shekkender joq. Kepilge alynǵan adamdar tekserildi, óıtkeni biz kózden jas aǵyzatyn gaz qoldandyq. Sondyqtan, medıtsınalyq tekserý júrýi tıis. Eshkim jaralanǵan joq. Óıtkeni, biz shabýyldaýshy arnaıy quraldardy qoldandyq», - dep málim etti mınıstr Marat Ahmetjanov jýrnalıster saýalyna oraı.

Eske salaıyq, elordadaǵy Kaspi banktiń ǵımaratynda qarýlanǵan er adam birneshe kisini kepilge alǵanyn habarlap edik.

Polıtsııa qyzmetkerleri kepilge alynǵan adamdardy bosatty.

Іshki ister mınıstri Marat Ahmetjanov qazir kúdiktige qatysty tergeý amaldary júrip jatqanyn málim etti.