Olga Perepechına TMD PAA men UQShU PA baıqaýshylarymen kezdesti
Olga Perepechına áńgime barysynda bıylǵy jyl elimizde mańyzdy saıası oqıǵalarmen, atap aıtqanda Senatqa depýtattardy saılaý jáne Qazaqstan Respýblıkasy Parlamenti Májilisine kezekten tys saılaýmen bastalǵanyn atap ótti. Bul Qazaqstandaǵy aýqymdy ishki saıası ózgerister aıasynda júzege asýda.
«Aýqymdy konstıtýtsııalyq reformalardy eskere kelgende, Senat elimizdegi óńirler múddesin bildiretin palataǵa aınaldy. Osylaısha, aldaǵy Májilis saılaýynan keıin elimizdiń búkil saıası júıesin keshendi qaıta jańǵyrtý aıaqtalady. Májilis pen máslıhattarǵa depýtat saılaý jańa aralas júıe – partııalyq tizim men bir mandatty okrýgter boıynsha ótedi. Bul ártúrli áleýmettik toptar men saıası partııalardyń ókilderin saılaýǵa múmkindik beredi, osylaısha Parlamenttiń ókildik qyzmeti qamtamasyz etiledi», - dedi senator.
Olga Perepechına sonymen qatar áıelderdi, jastardy jáne múgedektigi bar adamdardy saıası protsesterge belsendi tartý úshin elimizde júrgizilip jatqan jumystar týraly kezdesýge qatysýshylardy habardar etti. Máslıhat pen Májilis depýtattyǵyna kandıdattardyń jalpy sanynyń 30% kvotaǵa sáıkes osy sanattaǵy azamattardyń ókilderi quraýy tıis. Bul belgili bir máselelerdi sheshýge baǵyttalǵan sheshimder qabyldaý kezinde olardyń pikirin eskerýge múmkindik beredi jáne ınklıýzıvti qoǵam qurýǵa yqpal etedi.
TMD PAA jáne UQShU PA baıqaýshylar mıssııasynyń músheleri óz kezeginde Qazaqstan saılaýdy joǵary demokratııalyq standarttarǵa sáıkes uıymdastyrýdy qamtamasyz etý úshin qajetti barlyq sharalardy qabyldap jatqanyn atap ótti.