Olga Perepechına men Erik Sultanov SQO nysandaryn aralady

PETROPAVL. QazAqparat - Qazaqstan Respýblıkasy Parlamenti Senaty Tóraǵasynyń orynbasary Olga Perepechına men senator Erik Sultanov Petropavl qalasyndaǵy ónerkásip kásiporyndarynyń tynys-tirshiligimen tanysty, dep habarlaıdy QazAqparat joǵary palatanyń baspasóz qyzmetine silteme jasap.

Nysandardy aralaý barysynda Senat depýtattary óndiristik jelilerdi aralap, kásiporyn basshylarymen túıtkildi máselelerdi talqylady, sondaı-aq ujymmen kezdesti.

«Bizdiń kórshilerimizde qalyptasqan jaǵdaı bizdiń óndiristerimizge qalaı áser etetinin bilý biz úshin mańyzdy boldy. Halyqpen kezdesý barysynda azamattardyń baǵanyń ósýine alańdaıtynyn kórsetti. Prezıdent tıisti tapsyrma berdi, Saýda jáne ıntegratsııa mınıstrligi osymen aınalysady», — dedi Erik Sultanov.

Odan ári senatorlar Tımırıazev aýdany men Shal aqyn aýdanynda bolyp, áleýmettik nysandardyń qyzmetinen bastap kóktemgi dala jumystaryna daıyndyqqa deıingi búgingi kún tártibindegi ózekti máselelerdi talqylady.

Máselen, Olga Perepechına men Erik Sultanov jalpy bilim beretin mektepterdi, sport nysandaryn aralap, dene shynyqtyrý-saýyqtyrý kesheniniń jaǵdaıymen, taýarly-sút fermasynyń qurylysymen, óndiris oryndarynyń tynys-tirshiligimen tanysty, aýyl sharýashylyǵy qurylymdarynyń jumyskerlerimen jáne aýyl turǵyndarymen kezdesti.

«Biz Soltústik Qazaqstan oblysy turǵyndarynyń júzdesý barysynda kótergen máselelerin sheshýmen aınalysatyn bolamyz», - dedi Olga Perepechına.

Sondaı-aq, senator Erik Sultanov memleket jáne saıasat qaıratkeri Jaqsylyq Ǵabdollauly Ysqaqovtyń 90 jyldyǵyna arnalǵan saltanatty sharaǵa qatysty.

Oblys ákimi, belgili qoǵam jáne ǵylym qaıratkerleri qatysqan shara barysynda senator kúnniń qaharmanyna Senat Tóraǵasy Máýlen Áshimbaevtyń atynan quttyqtaý sóz sóıledi.