Ol fınalǵa shyqsa, maǵan jubanysh beldesýde kúresýge múmkindik týady - Aıdos Sultanǵalı

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda búgin grek-rım kúresinen el namysyn qorǵaǵan Aıdos Sultanǵalı jarystan keıin pikirin bildirdi.</p>

«Beldesý óte qıyn boldy. Qarsylasym óte myqty balýan ekenin bilesizder. Basynda jap-jaqsy utyp jatyp, sońynda jeńilip qaldym. Bar kúshimdi saldym, bapkerlerimniń aıtqan keńesi boıynsha kúrestim. Ókinishke qaraı, sátsizdik jetpeı qaldy. Endi men onyń fınalǵa shyqqanyn qalaımyn. Eger ol fınalǵa shyǵyp jatsa, maǵan jubanysh beldesýinde taǵy bir baq synaýǵa múmkindik týady. Eger, solaı bolyp jatsa, bar kúshimdi salamyn», - dedi Aıdos Sultanǵalı jarystan keıin. 

Ol alǵashqy beldesýinde 2 dúrkin álem chempıony, taǵy 2 dúrkin kúmis júldegeri, Hanchjoýdaǵy Azııa oıyndarynyń jeńimpazy, Azııanyn 3 dúrkin chempıony qyrǵyzstandyq Jolaman Sharshenbekovpen beldesip, 6:3 esebimen utylyp qalǵanyn jazǵan bolatynbyz.

Sondaı-aq, búgin asa aýyr salmaqta Álimhan Syzdyqov Parıj Olımpıadasynyń shırek fınalyna shyqty.

Esterińizge sala keteıik, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵyn sarapqa salyp jatyr.