«Oqjetpes» taǵy jeńildi, «Ulytaý» kósh basyna shyqty

<p>ASTANA. KAZINFORM &ndash; Búgin fýtboldan Qazaqstan Birinshi lıgasynyń HHV týry máresine jetti. Ázirge Qazaqstan Premer-lıgasynyń joldamasyna ıe bolǵan eki komanda tolyq anyqtala qoıǵan joq.&nbsp;</p>

Kókshetaýdyń «Oqjetpesi» birneshe týr boıy sátti oıyn ótkizip, týrnır kestesindegi jaǵdaıyn jaqsartyp alǵan edi. Keıingi bes oıynda olar eki márte jeńilistiń aşy dámin tatty. Atalǵan ujym bul joly syrt alańda almatylyq «Qaırat-2» komandasyna 0:1 esebimen ese jiberdi. Esesine olardy ókshelep kele jatqan Jezqazǵannyń «Ulytaýy» óz alańynda Túrkistan oblysynyń «Arysyn» 4:1 esebimen jeńdi. Nátıjesinde «Ulytaý» birinshi, «Oqjetpes» ekinshi orynǵa jaıǵasty. Ekeýiniń de enshisinde 54 upaıdan bar.

Sondaı-aq atalǵan týrda aqtaýlyq «Kaspıı» Oraldyń «Aqjaıyǵyn» 3:0, almatylyq «Han Táńiri» óskemendik «Altaıdy» 2:1 esebimen jeńdi. Al, elordalyq «SD Family» Pavlodar oblysynyń «Ekibastuzynan» 0:3, «Túrkistan» komandasy «Jetisaıdan» 1:2, «Aqtóbe-2» qyzylordalyq «Qaısar-2» klýbynan 1:3 esebimen jeńilip qaldy.

Aldaǵy týr oıyndary 10 qazan kúni ótedi. 

Eske salsaq, budan buryn Qazaqstan Premer-lıgasynyń HHІІ týrynda bes oıynnyń nátıjesi belgili boldy.