«Oqjetpes» premer-lıga oıynynda «Jetisýdy» jeńip ketti

ASTANA. QazAqparat - Búgin fýtboldan premer-lıga komandalary arasyndaǵy el birinshiligi 19-týrynyń alǵashqy oıyn kúni ótti, dep habarlaıdy QazAqparat tilshisi.

Alǵashqy oıynda Kókshetaýdyń «Oqjetpesi» Taldyqorǵannyń «Jetisý» komandasymen ózara sheberlik baıqasty.

Bıyl kókshetaýlyq klýb tómengi oryndarda keledi. Olar árbir oıynda jeńiske jetý jolyn izdep júr. Sondyqtan atalǵan ujymnyń úsh upaı oljalaýǵa bar kúshin salatyny belgili edi.

Kezdesý barysynda «Oqjetpes» sapynan Jasulan Moldaqaraev 23-mınýtta esep ashsa, Dáýren Jumat 60-mınýtta basymdyqty arttyrdy.

Oǵan 77-mınýtta Mýssa Bakaıoko bir golmen jaýap qaıyrdy.

Osylaısha «Oqjetpes» qarsylasynan 2:1 esebimen basym tústi.

Al «Atyraý» men «Kaspıı» kezdesýin jalǵyz gol sheshti. Ony 20-mınýtta Evgenıı Kozlov sheshti.

Endi 13 tamyzda «Qyzyljar» (Petropavl) men «Shahter» (Qaraǵandy) oınasa, «Qaırat» (Almaty) pen «Tobyl» (Qostanaı), «Qaısar» (Qyzylorda) men «Ordabasy» (Shymkent), «Aqsý» (Pavlodar oblysy) men «Aqtóbe» kezdesedi.

Atalǵan týrdyń 10 mamyrda aldyn ala ótkizilgen oıynynda «Maqtaral» (Túrkistan oblysy) elordalyq «Astanaǵa» 0:1 esebimen jol bergen edi.