«Oqjetpes» bir týr buryn Premer-lıgaǵa joldama aldy

<p>ASTANA. KAZINFORM - Fýtboldan Birinshi lıganyń HІH týrynda &laquo;Oqjetpes&raquo; syrt alańda &laquo;SD Family&raquo; klýbyn jeńip, Premer-lıgaǵa joldama aldy.</p>

Kókshetaýlyq komanda búgingi oıynda qarsylas qaqpasyna jaýapsyz jeti gol soǵyp ketti. Nátıjesinde qarsylasynan 7:0 esebimen basym túsip, aldaǵy jyly qaıtadan úzdikter qatarynda synǵa túsýge múmkindik alyp otyr.

Aıta ketsek, kókshetaýlyq klýb ótken týrda dál osyndaı eseppen «Túrkistandy» tize búktirgen edi.

Premer-lıgaǵa beriletin eki joldamaǵa Jezqazǵannyń «Ulytaý», Aqtaýdyń «Kaspıı» komandalary basty úmitker bolyp otyr. Atalǵan týrda «Ulytaý» syrt alańda Oraldyń «Aqjaıyǵyn» 3:0 esebimen tize búktirse, «Kaspıı» Almatynyń «Han táńiri» klýbynyń 1:0 esebimen osal tusyn tapty.

Al «Taraz» «Túrkistandy» 5:1, óskemendik «Altaı» Pavlodar oblysynyń «Ekibastuzyn» 2:1 esebimen jeńse, qyzylordalyq «Qaısar-2» men almatylyq «Qaırat-2» 0:0, Túrkistan oblysynyń «Arysy» men «Jetisaıy» 2:2 esebimen teń tústi.

Endi aldaǵy týr oıyndary 24 qazanǵa belgilengen.