Oqýshylarǵa attestatpen qatar jumys biliktiligi dıplomy beriledi

ASTANA. QazAqparat – 1 qyrkúıekten bastap elordada arnaýly orta bilim berý salasynda jańa júıe iske qosylady. Bul týraly Astana qalasy bilim basqarmasynyń basshysy Qasymhan Senǵazıev tolyǵyraq aıtyp berdi, dep habarlaıdy QazAqparat tilshisi.

«Bıyl alǵash ret kolledjderde 10-11 synyp oqýshylaryna arnalǵan eksperımenttik bilim berý baǵdarlamalary boıynsha qabyldaý júrgizildi. Nátıjesinde 270 oqýshy qabyldandy. Olar 1,5 jyldan keıin bilim týraly attestatpen qatar jumys biliktiligi bar dıplom alyp shyǵady», - dedi Qasymhan Senǵazıev Astana qalasy kommýnıkatsııalar qyzmeti alańynda ótken baspasóz máslıhatynda.

Bilim basqarmasy basshysynyń málimetinshe, elordada 33 kolledj bar. Onda 75 mamandyq jáne 122 biliktilik boıynsha kadr daıarlanady. Bıyl elorda kolledjderinde oqýǵa 11 937 ótinish tsúken.

Aıta keteıik, búgin elordada jańa oqý jylyna daıyndyq barysy pysyqtaldy. Qalalyq bilim basqarmasynyń basshysy bilim berý uıymdary qaýipsizdik quraldarymen tolyq qamtylǵan dep sendirdi.

Sondaı-aq brıfıng barysynda mektepke qujat tapsyryp úlgermegen jaǵdaıda ne isteý kerektigi túsindirildi.